Speak Your Roots

Tag: indigenousliterature

  • Hun hala ka bor da i Mebatei L. Khongsti

    Hun hala ka bor

    Ha pyrthei ba beh ïa shibun ki rong,

    Nga hun da i black and white,

    Ha ka juk pynstyle sñiuh bun rukom,

    Nga hun ban shu sad sha side.

    Ha ka juk ba beh ki bam bang restaurant,

    Nga hun da i jadoh ha basa,

    Ha ka juk ba ki ïa beh sha KFC,

    Nga hun da i dohmasi syrwa.

    Ha ka juk ba ki beh sha ki juti Adidas,

    Nga hun da i sneaker ba tad,

    Ha ka juk ba ki beh sha ki jaiñ branded,

    Nga hun da i second hand ban wad.

    Hun hala i jingkotbor,

    Wat prong sha kaba shu kot jubor,

    Pynleit jingmut ïa iwei pa iwei i mawjam ba rit sha ka thong,

    Badno badno ïalade wat ju nujor.

    "Hun ha la ka bor" is an original Khasi poem by @mebatei_l_khongsti ✍️✍️

    Teng teng ha ka jinglong briew ngi pyrshang ban kner ïa kaba ngim donkam. Ha kane ka rukom ngi ïaid lait noh na ka jingsyndong bad jingsan kaba kongsan ïa ka malade. 💆❤️

    This poem expresses a yearning to be content with what we have. In our rush to flow with the times, we may lose sight of what is essential to the nurturing and growth of our self. ❤️💆

  • Ki Sakhi by P. Tariang

    Kmen ha jingitynnad jong ka sngi,

    Naba ngim tip kaei ban wan ha lynti.

    Shim ka por jingiwbih ki syntiew ban sieng,

    Ban ring bad pynhiar mynsiem khlem jingsheptieng.

    Pynleit jingmut ruh ia ki ding ki ba ieng,

    Kmen kum lyer jai jai ba beh kylleng kylleng.

    Shim ia u khynnah hikai bad btin lynti,

    Ha ki jaka ba kynjah ban sneng bad pyni

    Pyniaid ha ki shyiap ka rud duriaw bah:

    Hikai ha ki at phyllung jingtriem ba un lah shah.

    Pyni ruh ha u jingitynnad ka suiñbneng,

    Shah un kylli, jubab wat ym leh meng.

    Ai un iohi ia ki lum bah makashang,

    Krem barieh, ki wahduid bad um shyngiar ba bang.

    Pynithuh ki mrad bad ki sim ha ka ri,

    Batai de ba un ym sah biej u bapli:

    Ka dei ka jingshisha! Watla pyrthei ka ma,

    Bun ruh jingitynnad ba ngin shem ha ka.

    Jingitynnad ka jingim ba la pynman kyrpang,

    Ki jingkhraw, jingmaian, shoh mynsiem ka phalang

    Kumno shaphang u bnai bad ki khlur ha sahit,

    Hapdeng ka dum iong ngit phalang jingshai barit;

    Kamram ka dawa ha ngi ban kut jingmut,

    Ban ieit ia ki donkam ban aiti lut;

    Jingieit long shabi ha man la ka ri,

    Ngi donkam ruh ban tip kumno ban ieng sakhi.

    Lada ngi nang pyni tang ka jingijli, jingsniew kan khie im,

    Jingieit kan nang ring sti.

    – P. Tariang

    "Ki Sakhi" is an original Khasi poem by @the_dark_linen_ ✒️🏞️🌲

    Khublei Shibun for sending your poem! 😀🙏 Ka long kaba kit jingmut bha bad kaba don jinghikai.

  • “Kyllalyngkot” da Reaia Phira

    Lyngngoh shisha ban shem

    ba ka jingthrang jong u phria

    kan kynduh bad ki shyieng

    jong ki iing jong ngi-

    Sngew kumba ki ktien

    khubor ruh

    ki bud sur ia u,

    ki kyrhuh bad ki pang.

    Kumba u jumai u bym ju patiaw

    ia ka jingsheptieng kaba ring

    na ki sla kjat jong ki briew

    haba ki wad ki jaka rieh na u-

    Kumta ki ummat shngiam

    ruh ki tuid.

    khlem sngap iano iano ruh.

    Haba ka lyer pjah ka lyngaid

    bad ka sum hapoh ka ding shawla;

    ban wallam ia ka jingsngewtmang

    jong ka mula

    kaba la pynap ha khap jong nga-

    Kumta ruh,

    ka sngi ka kyan lyngba ki

    dpei ba jngi ha suiñ kum

    ki jingmut ba snai.

    Hynrei ha ki por ba ju sawa

    tang ka jingjarjar ka miet,

    nga ju iohsngew diang diang

    ia ka jingsyaid kaba per

    ha ka um kaba sah

    ha ki thwei ka

    mynsiem jong nga…

    bad nga kynmaw

    ieid eh ia phi.

    Original Khasi poem "Kyllalyngkot" by @meat__ball__ ✒️🍃
    Khublei Shibun @meat__ball__ for sending your poem! 🙏😄

  • “Por La Kylla” da i Dameshwa Rymbai

    U lyoh ka jingkylla u wan beh,

    Lyngba ki kor jingstad ka por.

    Jymbriew ka sang ban kaweh,

    Ba wat ha shlem la sdang duh bor.

    La ktien duna kiba ngam jylliew,

    Ban kren, khana ha khmat ki briew.

    Da 'tien nongwei ki thew pyrla,

    U stad te dei u ba nang ia ka.

    Ki Kings, Lyngz, Rymz, Marbz,

    Ha lad pathai phin shem phin lap.

    Nongprat lynti sha khyrnit ba phra,

    Dung hi ngak! 'nampliang ki samla.

    U khulom ksiar uba shad

    Ha ka pung balieh ka kot sada

    U khlei ia ki symboh jingstad

    Kiba dang kren haduh mynta.

    Ki 'tiensneng kyntu kynpham

    Ki ngam sha thwei jingmut.

    Lyngba ki khana puriskam,

    Kiba kit laiphew ar jingmut.

    Ah! Lada ngi smat bad pynshitom,

    La ktien ban shut kum wait ia pom

    La nangroi ka jingtip la ka jong,

    La riti, dustur, jymbriew ban syngkhong.

    Myllung ka Ri la symboh jingstad,

    Ha ka thoh ka tar U la pashat,

    Mano ban tam ia mawkordor,

    Kyntien shongsbai bad bakordor.

    Aiu ngin ieh ia longdien mandien,

    Hato rong pyrthei ym la ka ktien??

    Ki spah pyrthei ki lut bad ki pyut,

    Dei jingstad ba neh haduh ba kut.

    -Dameshwa Rymbai

    Today, the 18th of December 2021 is the 81st death anniversary of Khasi Poet Laureate, U Soso Tham. 🕯️✒️📃 As has been posted throughout the week, may the inspiration, conviction, wisdom and love for the Khasi land and people of the poet U Soso Tham be our inheritance that strengthens us as a community. ✊🏞️🌄

    "Por la kylla" is an original Khasi poem by @damechwarymbai 😄

    Khublei Shibun for sending your poem whose theme is an extremely relevant one for the present time! 🙏🙏

  • Jngai na pyrthei da i Bhu Ianz

    JNGAI NA PYRTHEI KHLEM JINGKHUSLAI – NGAN SUH BEIT

    WIAW SHABA NGEN U BNAI

    KHLEM ARTATIEN NE JINGPYRWA – LA STANG NE RBEN KA PLA

    BAN LAIT NA JINGTYRHA MYNSIEM – HA PNEH RAM-EW AI

    NGAN SUHSIENG

    KHOP KHOP HA LA JINGLONG SHI SUR – NGAI LYNGNGAI HA

    JINGMUTDUR

    NGAN KLET LUT KHOIT IA SPAH BAD PHEW – TANG

    JINGKYNMAW BA NGAN KYNSHEW

    JNGAI NA BAROH RUH NGAM SNGEWPHER – JINGDIAW NGAN

    PIAM HA LA KI SNER

    LAIT TANG JINGMUT HA SUIÑ BAN PER – SET SLUNG LADE

    SHA KI HAJAR MER

    "Jngai na pyrthei" an original Khasi poem by @bhu_ianz ✒️📃 Thank you for the poem! 🙏

    The poem expresses a brave yearning for an escape and a freedom from the human world ☀️🌙💫

  • “Jar I hok – Jngai nei thok – Kamai ia ka hok” da Daohi Manar

    Phet jngai na ka bamsap, phet jngai na ka bamsap

    Ileh Cha kamni, sa du i wöm ioo tipsap-tiptap?

    Jar jar lei hok, u ia k'bai-kyrha

    Ileh Cha kamni, dap da ki jingeh suda?

    Kylli oa pûn na nga

    Wa angnood iei jingkylla…

    Chirup u ieiñ tylli, Myllin noh i sniawpher u wi ia ka wi

    U rah iei roi i par, thrang i hei jingim

    Ka wait iong i tip i stad, kani toh u chim

    Ham sniaw salajong, Toa iyn-ia pûnku pûnkynrong

    Khlem niaw, Wei khlem da thaw

    U wa lieh, wa stem, wa soo ne wa u iong

    "Jar I Hok, Jngai nei Thok, Kamai ia ka Hok" is an original Pnar poem by @xdtnoahjupejackllthmanar

    The poem speaks of bringing about a change in society, through truth, unity and a thirst for knowledge. A change that is for the greater good of all. A change that creates an awareness of not only our rights but also our duties as a community and as citizens of the state and country.