Speak Your Roots

Tag: khasijokes

  • Long rat

    Ha kawei ka sngi, lah don uwei u phareng uba wan jngohkai ïa kane ka ri Khasi ngi. U leit kylleng ki shnong bad kawei na ki ka dei ka Shella kaba bna nam bha shaphang kata ka "shoh dohkha". Te u lah poi hangta ha ka shnong bad ki don ki briew katto katne kiba khot sngewbha ïa u sha ïing jong ki. Ki bun ki briew kiba nang ban kren phareng tang ban ïapei bad u bad para ma ki pat ki kren da ka ktien shnong lajong. Te u sngap shkor bha haba ki ïa kren para ma ki bad katba ki dang kren u da peit artat sha madan, shapoh khrum shuki ba u shong, shadien bad shakhmat ruh. Kita ki briew ki lah iohi ïa kane ka rukom leh jong u te ki kylli balei ba u i khuslai bad ba u peit lut ïa ka madan ka khrum kumba wad aïu re aïu. Uta u phareng u jubab: "Where the hell is the goddamn long rat that you guys have been talking about??" Phewse "long rat" ki dei ki dei ki kyntien shnong jong ki bad uta u sahep u mut ïa ki ba ki kren phareng de tiak tiak namar u mut ki kren shaphang ka khnai baheh!

    "Long rat" ka mut "ym lei lei" ne "kam pher" ha ka ktien Shella 😄😂 Namar kata ym long rat, kam don ka khnai 😂😂😂🐀🐀

    "Long rat" means "it's okay" or "it's all right" in the Shella dialect. So "long rat" is not a long rat 😂😂🐀🤡

    Khublei Shibun @shillongftw for this joke 😂😅 U Phareng got lost in translation!

  • Dai/ Die

    Ka khana biria ba nga la ïohsngew kham slem..

    Shisien ki shi lok kiba dang shu ïa shong ïa sah ryngkat ki ïa shongkai bad ïakhlei ki ktien ieit, ktien sbai tien rupa bad ynda ki la dep ki ïa leit bamja noh arngut hi. Te katba ki dang ïa bam, u lok u ong "Darling ai dai". Ka lok pat ka la kyndit bad ka ong "No darling please don't die". U lok u ong biang "No no darling, nga ong ai dai from the karai".

    Mynta ka sngi, ka 1 tarik u Naitung ka dei ka International Joke Day 😄😄

    Khublei Shibun @mebatei_l_khongsti ba phi la phah ïa kane ka khana biria birai 😂😂😂Ngi ju poi sha kaba ïa rkhie da lah khleh ka kren ktien English bad Khasi kum kine shilok 😂😂

    Talking in "Khalish" is what many of us do nowadays 🤭😅😬 and this joke is an example of that. The punchline to the joke is also because of the Khalish involved. To translate this would be to take out the humour from it, so we leave it as it is 😄

  • Dih ne nym dih

    Ha kawei ka sngi don uwei u briew na nongkyndong ba leit shim dawai sha sor. Ynda u doktor u la kynduh bad eksamin ïa u, u la batai ba u dei ban dih ynda la dep bam ja miet. Te uta u briew u la lyngngoh lyngaiñ ba kumno un dih da la dep bam ja ïoh um ïoh kali shuh. Katta ruh u sngap jar bad u shong beit hangta ha dukan dawai haba don u doktor. Te u doktor pat u peit lyngngoh ïa u namar ba um leit shuh katno katno ruh. Uta u briew u ong: "Ngan dih noh doktor?" U doktor u ong "Em dih da dep bamja". Phewse u bapli da ka ktien shnong lajong "dih" mut "leit noh". U doktor pat u sngewthuh ba dih mut ban dih noh ka dawai. Hangta ka jingthamula te ka bym nang batai namar u nongkyndong u ïeng ban mih noh u doktor pat u ong em wat pat dih.

    Ka dei na ka ktien shnong aïu ka kyntien "dih"?

    Khublei Shibun @czmylliem ba phi la phah ïa kane 😂😂

  • Ñiangkalaw

    Kane ka dei ka jingjia kaba shisha ha kaba arngut ki muktiar ki la sdang leit trei biang hadien ka khlam Covid-19.

    Ki la rung ha kawei ka dukan sha. Iwei na ki i la pan da ka sha ïa ki baroh arngut. Ita iba pan namar ba im kwah ban dih na ki pela kot, i la ong "Ei Kong! Ai sha ïa ngi, tangba ai ha ka pela pleit, ka bym sma ñiangkalaw mo!"

    Lada don ki paralok ba nang ban kren ban khana, ban biria birai katno ka jingsngewtynnat, ka jingsngew phuhmut phuhmat 😃😂

    Khublei Shibun @nisha_daphi ïa ki khana ñiangkalaw ki bym ju jlep! 🪳🪳🤡🤡😂😂

    Ym sngew kwah ban pynkylla sha ka ktien phareng ïa ka post namar kan nym sngewbang kumba sngewbang ha ka ktien la jong!