Mynsiem katno ka dap Jingkmen
Ban peit iapha ko Mei mariang
Hapneh Jongpha Nga heh nga long
Jingkmen Jong nga hapha ka shong
Haba nga peit ki lum ki wah
Ki sim ha Jingsngewbha Ki pah
Ha Mei mariang Ki kmen Ki Suk
Pha Ker Pha ri riewspah ne duk
Ki lum Ki wah wat Ki pyntha
Baroh ha Jingsumar Jong pha
Mynsiem ka ban peit ngam ngiah
Syntiew Ki skud hapha Ki speh
Ki um ba shngiam ha wah ba tuid
Rymphum Ki kshaid Ki Noh laitluid
Sha thwei ba ingum Ki Noh arsut
Bad Jingsawa naki ka put
Hynrei phew se kala kylla
Syllen Ki khlaw Ki ba nylla
Ki sim Ki doh tiew laiphew jait
Hangno kin rieh ban ioh shongthait
Tang Jingjakhlia bad Jingbymman
Namar Ki riew ieid RI la dam
Sa tang Ki ing khong shyllangmat
Ban ioh pynjot Ki sngew tynnad
Kim salia i'u ksuid i'u khrei
Kim don ka Jing pyrkhat eiei
Tang ban heh la u Saipan
Ki thom wat ia u briew u blei
Kim don Jingmap para Maki
Wat ban iarap Ki ia kli kti
Tang ban biang ka malade
Ki tla bunsien ki pynthame
Shaei kein ka Jingtiplem
Ban iarap i'u biej i'u them
La jyrsieh tang a Jing sniew
Ka bih ha shyllangmat la kiew
Ka Mei mariang bapli ka iam
Namar bynriew u la Leh tam
Marwei Katno ka pait dohnud
Hala mynsiem marwei ka ud
Mynta ka shong ha nga ha phi
Ban thaw thymmai iala ka ri
Wat shong jai pdeh ha la ka dpei
Lada phi pyrkhat ia ka kawei
Original Khasi poem "Mynsiem Katno ka Dap Jingkmen" written by @samsan_yt
Thank you for this poem which has a lot to teach us! 🌲🏞️🌬️🌤️🌄
The poem portrays the beauty of Nature and the environment. The bountiful resources that exist in it but are shamelessly exploited by man. We all know this story. We have heard this a million times! Do we really care about what is happening to the environment? Will we be able to survive if its degradation continues? The poem concludes with the fact that it depends on us to help Nature regain her true value and strength, which will in turn enrich human existence.