Speak Your Roots

Tag: pnarpoetry

  • “Ka La’er Tlang” da i Manhaoo Paswet

    Ka la'er wa daitthah ka la'er tlang,

    I khyndaw da raw, da sdang u pdang,

    Ka la'er yei mynsien wa pyn ka-it,

    Ha pyrdi i kjam kawa pynchong chit.

    Soodong talawiar ha i tpai diñ,

    I ngiah i jrem heite da stiñ,

    Wa ya wyr-ngia ya klam khana,

    Ki parom wa pher ki khana danda.

    Chi iung chi sem chi lok chi jor,

    Harood i tpai diñ kaini i por,

    Wa'u kcchu tungtoh hajrong mookhuri,

    Da'u bang ja bha du nei rukom bih.

    Kynmoo u pyrkhat heiwon u pynlut yei por,

    Wa ki wa ha iung ha sem ki lok ki jor,

    Kamwa tyllung ki por wa ki samoi,

    Symboi ya mylliñ i yeiwa kordor wa myntoi.

    -Manhaoo Paswet

    "Ka La'er Tlang" toh ka poitri Pnar wa da thoh da u @wisu_02
    Khublei Chibōn wa phah phi ya kani ka poitri yong phi 🙏 iwa ya toh wa i por kjam, por bam tungtoh 😄😋

    Ym em de ha pyrthai kat i tlang ha yung wa ha chnong yong i ❤️❄️🏞️

  • “Ka Hukum” da i Dawa Dkhar

    Ka Hukum

    Hukum na chwa da ong,

    Pynduh ia ki tam adong;

    Sajier syndong yei man i long,

    Iow leit ka pyrthai u klam sarong;

    Hei ktien thylliej man i wa jem,

    Burom iow phooh ka iung ka sem;

    Kam u knii to ieiñ rangbah,

    Ham em mynsien dei sah khynnah;

    U kynrad wa stad na jrong,

    Wow bichar lut yeini nadong chadong.

    Ka Hukum

    Hukum na shuwa ka la ong,

    Pynduh ïa ki tam adong;

    Sumar syndong ïa la ka long ka man,

    Ban lait ka pyrthei ban kren sarong;

    Ha ka ktien ka thylliej long kiba jem,

    Ban phuh ka burom ha ïing ha sem;

    Kum u kñi to ïeng rangbah,

    Wat don ka mynsiem kaba dang sah khynnah;

    U Kynrad ba stad na jrong,

    Un bishar lut ïa kane nadong shadong.

    An original Pnar poem entitled "Ka Hukum" by @dawadkhar ✒️📖 Khublei Chiboon wa phah phi ya ka jingthoh yong phi kawa sñiaw toh wa ki por katni 😄🙏

    Kane ka poitri ka don ha ka, ka jingïasyriem bad "Ki Jingsneng Tymmen" ha ka rukom thoh bad ka rukom hikai jong ka.

    🟡 Khasi translation by @speakyourroots

  • Bood Late da Daohi Manar

    PARA KHYNROO, KHYNTHAI NE CHYNRANG,

    ALAE! CHIRUP HAM CHAH CHAKAE NE CHAH PHALANG

    NUKSA WA BHA TOA CHDOOH TOA ÏAH,

    ÏOW LY'OH WADOOM, HAM IEH U WAN KAH.

    ÏOW PHOOHÏOW PHEIÑ I HEI MANBRU;

    HAM ÏYNDONG I SNIAW,TO PYRKHAT YLLU.

    LA KA MYRIED, U SEINDUR NADUH MYNTU,

    ALAE! DUHAI ÏOW LEIT NEI CHAH BEIÑ NE CHAH MYNTHU,

    SAJIAR-SYNDONG, NA KI KAM THALA,

    PYNCH’KEH KI TYRPAIÑ PYNEH KI TYMPHA.

    NEI KYIAD, U BHANG WÖW DROK WÖMHOI;

    HEI MIAT I BHA, TE IOH I U POI.

    KYLLA I POR, NEI WARIM CHEI THYMME

    ALAE! ÏEI SIH HAM BOOD ÏONG TON HAM BOOD LATE,

    PYN-NA PAN, PYN-NA WA YEIÑ, PYN-NA TOH,

    CHA KA BHAH KA NASIB HAM KYNNOH.

    HAM KHLOT HA WA SNIAW, NE THLAH HA WA ÏOO;

    ÏEI SNEIÑ I KROO KA BEI U PA, TOA KSOH-KYNMOO.

    HA JAR JAIT KI RONG,DA BOOH U WA NAJRONG,

    ALAE! ÏEI BUROM AKOR TOA RI KYNDONG,

    JINGEH HEI JINGIM U ÏEIN IALEH,

    I DIÑ WA R’HI, HAM ÏEH U PLEH.

    PEIT TOA BOOD, ÏEI MAN I LONG U TKHU;

    HAM KDAW KTI PARA I, TOA IA SNEIÑ IA KYNTU.

    PYRCHANG ÏONG I, IM SNGI DU HEI BHA,

    PANCHNIAT I BUROM, U KUP U DEIÑ WAROH CHI RTA

    -DAOHI MANAR

    Daohi says about the poem:

    "Today the 26th June, the whole world is observing the International Day against drug abuse and illicit trafficking.

    The poem "Bood late" simply means 'imitating'. This poem reminds us not to get influenced by evil or allow bad examples to influence us. Follow only what is good. In general, this poem reminds us that drug use, drug dependency and drug abuse was and is a silent killer in our society. This poem encourages everyone especially youth to not take drugs or any toxic substances, to not get influenced by such bad examples.

    As we are aware, cases of HIV/AIDS are high in the Jaiñtia region and Meghalaya is also one among leading states in Northeast India. So, to stop and prevent that, the poem encourages us to abstain and avoid any form of drug consumption and selling of these substances.

    For example the lines "Ham ya kdaw kti para i toa ya sneiñ ya kyntu" means let's not judge or point fingers at others, we can help one another to come together to unite, so that we can overcome or fight against this silent killer in our society. This poem aims to educate people about drugs and also steps to eliminate drugs and illicit trafficking to save lives."

    An original Pnar poem "Bood Late" by @xdtnoahjupejackllthmanar 👏👏 Khublei Chiboon @xdtnoahjupejackllthmanar for the poem! 👍👍

  • “Jar I hok – Jngai nei thok – Kamai ia ka hok” da Daohi Manar

    Phet jngai na ka bamsap, phet jngai na ka bamsap

    Ileh Cha kamni, sa du i wöm ioo tipsap-tiptap?

    Jar jar lei hok, u ia k'bai-kyrha

    Ileh Cha kamni, dap da ki jingeh suda?

    Kylli oa pûn na nga

    Wa angnood iei jingkylla…

    Chirup u ieiñ tylli, Myllin noh i sniawpher u wi ia ka wi

    U rah iei roi i par, thrang i hei jingim

    Ka wait iong i tip i stad, kani toh u chim

    Ham sniaw salajong, Toa iyn-ia pûnku pûnkynrong

    Khlem niaw, Wei khlem da thaw

    U wa lieh, wa stem, wa soo ne wa u iong

    "Jar I Hok, Jngai nei Thok, Kamai ia ka Hok" is an original Pnar poem by @xdtnoahjupejackllthmanar

    The poem speaks of bringing about a change in society, through truth, unity and a thirst for knowledge. A change that is for the greater good of all. A change that creates an awareness of not only our rights but also our duties as a community and as citizens of the state and country.