Ha sla pyrthei la kha ia nga,
Nga san longbriew, nga im pura;
Ryngkat jingieid i mei i pa,
Ha la ka ktien ba ngan kren bha.
Ym tang ban kren kumta la biang,
Hynrei ban thoh te ba ngan nang;
Kumta jingstad sawdong ka phriang,
A-B, ka jinghikai ka sdang.
Ka ktien khasi shisha ba iar,
Ha ri khynriam bad ha ri pnar;
'Sohra'- Ka ieng 'tien salonsar,
Ban ia biang lang, ban ym kulmar.
U Thomas Jones na ri sepngi,
U la wanlam dak thoh khasi;
ia jait bynriew ban lam lynti,
Ban ym sah dum bynriew khasi.
I'u la tip haduh kine ki sngi,
Kum u kpa ki dak thoh khasi:
Khlem don ma u ba prat lynti,
Ngi lah sah dum ha la ka ri.
Ki longshuwa da buit ba iar,
Lyngba jingeh ki khih ki ksar;
Ban roi ban iar ka thoh ka tar,
Ban ym sah bieit, sah dum jynjar.
Rai-eh Rai-dam, hei! ka bym kai,
Kam dei ka mutdur pyrkhat rngai;
Kat ban sawar ka ktien shongsbai,
La ha ka kren khana ne rwai.
Maitang! haram kam dei ho phi,
la longshuwa baieid jong ngi;
Burom shi junom bhor Ia ki,
Shikit-iapar kam long na ngi.
Kumne Ia la ka ktien ngin ieid,
Ngin kren ngin thoh te khlem jingriej;
Nangne pateng kan khih kan smiej,
Sha jngai kan phet ka dum ka bieit.
-Labianglang Diengdoh
Original poem: "Ka Ktien Khasi Jong Ngi" written by @_i_g_d_r_e_a_m_e_r_
Thank you for sending this entry! 🎉🎉
Speaking, reading and writing in our indigenous language may be described as a persistent and consistent act of resistance to forces that may endanger it.
Leave a Reply