La Akor Burom Ngin Kyntiew,
Ban lai Pynphuh Pynphieng La Jaidbynriew:
Ngin lai Sumar La Ka Ktien Lajong,
la Ka Ruh Hi Ngin Ri Kyndong.
La ka ktien lajong ngin niewkor
Ba ha ka long ka spah kordon,
Ban pynsah nam baroh shyrta;
la ka ktien nongmei nongpa
Shirta ia ka ngim dei ban klet:
La shibun jingeh kin wan tyllep
la ktien lajong gin sngewsarong
La ha sor ne ha nongkyndong.
by Darisha Marweiñ
Ka Ktien Khasi khara;
Ka Ktien khasi paka
Ka Ktien burom ki longshuwa
Ka dei ka ktien sohra.
Ka ktien nongmei nongpa
B’la kren ha nigl inaduh mynshue
Ka 'tien sneng 'tien kyntu
Ban neh ban sah ha jingim ba bha
by Battilang Kharkongor @battie626
Wat la ngi nang ka
ktien nongwei,
Ngim dei ban klet
ka ktien i mei i pa:
Kunmaw ko khun
khasi khara han
burom ka ktien
nongmei nongpa.
by Pynbianglin Thabah @thabahpynbianglin
"Shano ngin phet?
Ko kmie baieid
La lut ki ummat
Kiba ju shlei ai jingim,
Naba pha iam sngewsih
Jingleh u briew
Uba kam ba u ieid
Thep mynsiem ia pha ko Ri.
Pha plie ia la ka mynsiem
Pha kyrkhu kyrdoh
la u khun bynriew,
Khlem suit niew
U kam ei ka pyrthei
Kaba theh ki jingai ei
Ha man ki kti jong u.
Mynta marwel
Pha shong
Kajingbitar
Ka rhem kum thylliej ding,
Ah ka a pot
Shano ngin phet
La ka khyndew kan khih win?
"Ka Ktien Khasi Jong Ngi"
Ha sla pyrthei la kha ia nga,
Nga san longbriew, nga im pura;
Ryngkat jingieid i mei i pa,
Ha la ka ktien ba ngan kren bha.
Ym tang ban kren kumta la biang,
Hynrei ban thoh te ba nan nang;
Kumta jingstad sawdong ka phriang,
A-B, ka jinghikai ka sdang.
Ka ktien khasi shisha ba ïar,
Ha ri khynriam bad ha ri pnar;
"'Sohra'- Ka ïeng 'tien salonsar,
Ban ïa biang lang, ban ym kulmar.
U Thomas Jones na ri sepngi,
U la wanlam dak thoh khasi;
la jait bynriew ban lam lynti,
Ban ym sah dum bynriew khasi.
l'u la tip haduh kine ki sngi,
Kum u kpa ki dak thoh khasi;
Khlem don ma u ba prat lynti,
Ngi lah sah dum ha la ka ri.
By Labianglang Diengdoh