Speak Your Roots

Tag: internationalmotherlanguageday

  • Esther Syiem – International Mother Language Day 2024

    Kane ka dei ka jingïakren jong i Professor (Dr.) Esther Syiem bad i RJ Bob kum shibynta jong ka jingrakhe ïa ka International Mother Language Day. I Kong Esther i la shongthait kum i nonghikai na ka Department of English, North-Eastern Hill University, Shilong. Bun na ngi, ngi ithuh ïa i Kong Esther Syiem kum i nonghikai bad i nongthoh iba lah noh synñiang sha ka jingsngewthuh jong ka jinglong jingman Khasi.

    Ha kane ka jingïaphylliew jingmut, i Kong Esther i batai shaphang ka People's Linguistic Survey of India (PLSI) bad shaphang ka jingtrei jong i bad kane ka kynhun. La kren ruh shaphang ka jingpynneh ïa ki ktien shnong bad ïa ka jingdonkam ban bynrap shuh ïa ki dak ha ka alphabet Khasi.

    Khublei Shibun Kong Esther ba phi la don bynta lem ha ka jingrakhe ïa ka International Mother Language Day bad ban pashat ïa ki jingmut jong phi ha ngi!

  • “Ka Ktien Jong Nga” written by Daiarisa Rumnong and performed by Badakynti Nylla Iangngap

    INTERNATIONAL MOTHER LANGUAGE DAY 21st FEBRUARY 2024

    🟡 SPECIAL FEATURE: PERFORMANCE POETRY

    Kane ka dei ka jingpule pynsawa jong ka poim "Ka Ktien Jong Nga" kaba la thoh da i Daiarisa Rumnong @daia.risa bad ba la pule da i Badakynti Nylla Iangngap @bada_boombam

    Musicians: Stevenlister Kharkongor @steven_listerfield_r , Kevin Taylor Marbaniang @kevin_taylor_5 , Melvin Taylor Marbaniang @melvin_taylor_

    Videographer: Ehboklang Pyngrope @ehboklangpyngrope_

    Post editing: Pelhineal Iangngap

    Khublei Shikhohtyndaw ïa baroh kiba Ia don bynta lang ha kane ka jingpule pynsawa!! 😃🙏🙏 Ngi kyrmen ba kane ka jingpule pynsawa kan ai mynsiem ruh ïa kiwei kiba thoh poitri ban pule kumne ha khmat jong ki nongsngap! 🅰️🆎

    #internationalmotherlanguageday

    #performancepoetry #khasipoetry #khasipoets #khasiliterature #khasilanguage #khasilanguageconservation #speakyourroots #speakyourrootschallenge #talklocal

  • Sukjai Swer – International Mother Language Day 2024

    Kane ka dei ka jingïakren jong i Dr. Sukjai Swer bad i Rj Bob kum shibynta jong ka jingrakhe ïa ka International Mother Language Day. Ia i Kong Sukjai bun na ngi, ngi ithuh bha ia i namar ba i ju pyniaid ia ka prokram "Tang Shi Kyntien" ha Doordarshan Kendra Shillong. I Kong Sukjai i dei i Head jong ka Department of Khasi ha Sankardev College, Shillong.

    Kane ka jingïaphylliew jingmut ka pynsawa ïa ka jingriewspah jong ka ktien Khasi ha ka liang jong ki ktien kynnoh, ki adverb bad ki metaphor. Ka jingdonkam jong ki kmie ki kpa ban hikai ïa la ki khun ïa ka ktien Khasi la jong ruh ka long sa kawei ka phang kaba la ktah ha kane ka jingkren.

    Khublei Shibun Kong Sukjai ba phi la don bynta lem ha ka jingrakhe ïa ka International Mother Language Day bad ban pashat ïa ki jingmut jong phi ha ngi!

  • Maxter Warjri – International Mother Language Day 2024

    Kane ka dei ka jingïakren jong i Bah Maxter Warjri bad i Rj Bob kum shibynta jong ka jingrakhe ïa ka International Mother Language Day. I Bah Maxter i dei iwei na ki kaitor iba la paw ha ka thaw jingrwai Khasi bad ha ka rwai ka siaw ruh.

    Kane ka jingïaphylliew jingmut ka pynsawa shaphang ka jingthaw jingrwai ha ka ktien Khasi, ki jingeh ha ki por mynta khamtam ka jingpule ïa ki kot Khasi bad ki phang jong ki jingrwai Khasi.

    Khublei Shibun Bah Maxter ba phi la don bynta lem ha ka jingrakhe ïa ka International Mother Language Day bad ban pashat ïa ki jingmut jong phi ha ngi!

  • Daminot J. Wankhar – International Mother Language Day 2024

    Kane ka dei ka jingïakren jong i Bah Daminot J. Wankhar bad i Rj Bob kum shibynta jong ka jingrakhe ïa ka International Mother Language Day. I Bah Daminot i dei iwei na ki kaitor iba la paw ha ka thaw jingrwai Khasi bad ha ka rwai ka siaw ruh.

    Kane ka jingiaphylliew jingmut ka pynsawa ïa ka jingkongsan ban pyndonkam ïa ka ktien la jong ha baroh ki liang ka jingim jong ngi bad ka ai jingbatai shaphang ki jingrwai Khasi de.

    Khublei Shibun Bah Daminot ba phi la don bynta lem ha ka jingrakhe ïa ka International Mother Language Day bad ban pashat ïa ki jingmut jong phi ha ngi!

  • International Mother Language Day 2023

    Sa shisien mynta u snem 2023 ngin ïa rakhe ïa ka International Mother Language Day ha ka 21 tarik u Rymphang! Ba ngin kyntiew bad sumar syndong ïa la ka ktien ka thylliej ka dei kaei kaei kaba donkam bha ban leh ha kum kine ki sngi ki por. 🆎🅰️🅱️

    Ha kane ka kynti, ka Speak Your Roots ka ïa snoh kti lang bad ka Big FM 98.3 Shillong, ryngkat bad ka jingkyrshan jong ka Northeast India Audio Visual Archive @neindiaarchive !! 😃😃

    Sngewbha shim bynta ha kine ki jingïakob ba kan shongshit kane ka jingpyrshang jong ngi ban pynneh bad pynsan ïa ka ktien Khasi-Pnar. Kin don ki jingïakren ba kit jingmut ruh bad ki nongthoh poitri bad ki kaitor ba pher ba pher! 📖✒️🎶🎵

    Khublei Shibun @kennytalang ba phi la pynwandur ïa kane ka video! 🙏🙏

  • Juhiwanki Pala, Winner of Dialect Contest, International Mother Language Day

    Ngi la ïoh ban kynduh ïa i @juhiwanki mynta ka sngi ha ka ophis jong ka @neindiaarchive 😄😄 ban ai ïa ka khusnam jong ka jingïakob ktien shnong kaba la dep ban rakhe ïa ka International Mother Language Day, 21 tarik u Rymphang 2023.

    Khublei Shibun @juhiwanki ba phi la shim bynta ha kane ka jingpyrshang jong ngi. Ngi ngeit ba phin nang kiew shaphrang ha baroh ki liang ka jingim jong phi! 🙏🙏

  • Happy International Mother Language Day 21st February 2023

    Ha kane ka sngi bad man la ka sngi ngin kyntiew bad pynneh pynsan ïa la ka ktien tynrai ba kan nang riewspah, nang jylliew khnang ba ki pateng ki ban wan kin ïoh ïa ka jingsngewthuh ba shai shaphang ka shap kyrpang ka jinglong Khasi! 🙏🙏

    Khublei Shikhohtyndaw ïa baroh kiba la kyrshan ïa ka jingrakhe International Mother Language Day jong ka @speakyourroots ! 🆎🅰️🅱️

  • Interview with Daohi Manar, International Mother Language Day

    JINGJOP — The victory day of Meghalaya da i Daohi Manar

    Ngi lah jop!

    Ha sngap ki ia pyrta

    Jingap-khmih lynti, Urlong shisha

    Tat haduh u snem Khat-khyndai spah hynniew phew ar ‘nai

    kyllalyngkot, Tarik arphew wei

    Mrs. Indira Gandhi, La pynioh laitluid da jingisynei

    As we race this journey though not for fun,

    As we fight, The past is only our inspiration.

    As we stepping to the 50 years of living together

    Garo, Khasi and Jaintia

    Hill state our own land MEGHALAYA

    Homeland’s righteous flag to shine

    In our morning fresh skyline

    Khwan myntoi te duhai

    I burom u yoh na bru ha blai

    Ko shipai ko paia

    Wat sngew iam rem wat sngew dukha

    Bynriew um pat hun, balei ngin ia sngewbha?

    Ko rang kieng stieh , i’u ba duk ngim pat da! Ummat kthang

    kin kylla mawlynnai;

    Ñiuma, kum iathuh khana khsaid Noh Ka Likai.

    Kane ka dei khyndiat ki symboh jingkren hapdeng jong i @xdtnoahjupejackllthmanar bad i @rj_bob_bigfm na ka Big FM 98.3 kum shi bynta jong ka jingrakhe ïa ka International Mother Language Day. Ki phang kiba ki ïa phylliew jingmut ka dei ka jingthoh poitri ha ka ktien Khasi, kumno ban pynkiew ïa ka ktien Khasi bad kiwei kiwei.

    Ïa kane ka jingkren lah dep ban pynsngew ha ka 13 bad 14 tarik u Rymphang ha ka Big FM 98.3.

    Khublei Shibun @xdtnoahjupejackllthmanar Kane kan long ka jingbynrap kaba kordor ha ka page! 😄🙏

  • Interview with Rangkitbok Dikrud, International Mother Language Day

    KA JINGSHIT SHANE SHA NGI da i Rangkitbok Dikrud

    Ka jingshit shane sha ngi ka wan da ka jingsyang tram.

    Khluit tdaiñ. Phuh syep buhrieh. Kylla tlot ïar-ly-ïar

    Hangne ha la ri la jong –

    Katta ngan shit

    Ki briew i’u kwai ktha shngiam. Sur dam

    Pyrjah kjap kjap

    Wat ka buaid kwai ka jem thuiñ, shoh sngi.

    Ka sha khluit kam duh ban rat ïa ka Jingtyrkhong,

    Kam duh ban tuid

    Sha ngi. Ïa ngi —

    Shit phew ba shit

    Ka sha khluit ka tuid beit

    Shar la shar, lyngkien ka kpoh.

    Shane,

    Ym kum sha ri shit ba Ihop

    Ba hap pyntuid lyngkien da umpjah

    sam — tngen tdam.

    Satang lano kampher shuh na ki ri shit

    Namar kat nang mih ki sngi la nang pynroi

    khun da ki dieng maw.

    La bun ka leit on thang ia ki dieng sla bapli

    Man ka por, da kylli

    ïa ka daw ba ngi thung dieng maw-

    Ym banse te!

    Ym banse te!

    Shane sha ngi ruh

    Ka jingshit tar tyrha kan sa wan phrong

    suki suki

    Sha ka ïa ud, kynther jaiñ.

    Haei shuh ka jingpyngngad ka shong?

    Hato ngi iapeiñ ha ki dieng maw paki?

    Kane ka dei khyndiat ki symboh jingkren hapdeng jong i @rangkitbok_c bad i @rj_bob_bigfm na ka Big FM 98.3 kum shi bynta jong ka jingrakhe ïa ka International Mother Language Day. Ki phang kiba ki ïa phylliew jingmut ka dei ka jingthoh poitri ha ka ktien Khasi, kumno ban pynkiew ïa ka ktien Khasi bad kiwei kiwei.

    Ïa kane ka jingkren lah dep ban pynsngew ha ka 17 bad 18 tarik u Rymphang ha ka Big FM 98.3.

    Khublei Shibun @rangkitbok_c Kane kan long ka jingbynrap kaba kordor ha ka page! 😄🙏